حقيقي شيء يدعو للاستغراب والتعجب في وقت واحد يعني ايه لما تتعمل حلقة تنتقد سياسات المجلس العسكري باعتباره يدير شئون البلاد في المرحلة الانتقالية يتم بعدها استدعاء ريم ماجد والضيف للنيابة العسكرية للتحقيق !!
في اي عصر نعيش هل مازالنا نعيش في عصر مبارك !!
هل استبدالنا قانون الطواريء وامن الدولة بالاحكام العسكرية !!
يعني هل انا معرض وانا بكتب التدوينة ديه يتحقق معايا لاني بنتقد المجلس العسكري !!
اي عصر نحن نعيشه ؟؟
هل نحن في عصر الحرية ولا في اي عصر نعيش ؟
هل الحرية تعني اني اتكلم عن مبارك ونظامه واقول ما اريد ولما اجي اتكلم عن المجلس باعتباره حاكم للبلاد في الفترة الانتقالية اتحال للتحقيق في جهات عسكرية !؟
هل يعتقد المجلس انه فوق النقد ولا يريد ان يسمع الا شعار الجيش والشعب ايد واحدة ؟
هو في ايه بالظبط !؟
طيب سؤال تاني واسف اني بتكلم كتير عن المجلس
هو انا لما احب انتقد سياسات المجلس اقول ايه طيب !؟ يعني هل حضرتكم ممكن تسمحولنا بأيه عشان نقوله ومنقولوش!!
احنا والله مش ناس قليلة الادب ولا كخة احنا عندنا تسؤولات مشروعة عن المحكمات العسكرية للمدنيين وعن القوانين الي بتصدر بدون نقاش وكلها اشياء بتخص سياسة المجلس يعني مش كفر اننا نسأل ولا الناس تسأل عن ده لو احنا كفرنا ياريت حد يقولنا !
وفي النهاية ادي اديها كمان حرية احنا بنسأل مش بلطجية !
ليست هناك تعليقات:
إرسال تعليق